اعظم مخترع -مخترع التاريخ

توماس إديسون(11 فبراير 1847 – 18 اكتوبر 1931)


كان راجل اعمال و مخترع امريكانى اخترع حاجات كتير اثرت بقوة فى الحياة على مستوى العالم منها مثلا الفونوجراف و (اللمبة الكهربا) و هو كان اول مخترع يطبق مبادءى الانتاج الكمى على الاختراعات و لذلك هو مشهور بانه بدأ اول معمل اختبار صناعى اديسون فى 1093 براءة اختراع امريكية باسمه و هذا غير شهادات اخرى فى بريطانيا و فرنسا و المانيا. وأول محطة توليد كهربا عملها فى جزيرة مانهاتن بنيويورك فى أمريكا.


[تعديل] حياته

أديسون أتولد فى ميلان بأوهايو , وكان السابع و الأخير فى أخواته,فى المدرسة أديسون قعد 3 شهور بس , بعد كدة أمه خلته يتعلم فى البيت, اديسون وهو صغير كان عنده مشاكل فى السمع,ولما كبر جاله صمم,أديسون كان شغال على تلغراف,وكان الشغل ده بيسمحله أنو يعمل الحاجات اللى بيحبها (القراية والتجارب) وفى مرة وهو شغال ببطارية من بتوع زمان (أوى) وقع حمض كبريتيك منها على ألارض,فالحمض أتسرب من ألارضية ووقع على مكتب مديره,وفى اليوم اللى بعده أديسون أتطرد,أديسون أتجوز واحدة عندها 16 سنة وكان أسمها(مارى ستيلويل) وخلف منها 2 ولاد وبنت و بعد مماتت أتجوز تانى واحدة عندها 20 سنة كانت بنت مخترع وخلف منها بنتين وولد. أديسون حصل على أول برائة أختراع على جهاز الكترونى للتصويت (من بتاع الأنتخابات مش اللطم)


[تعديل] الكاريير بتاعه

أديسون عمل أختراعات كتير وحسن أختراعات أكتر بس كسب معظم شهرته من الفونوجراف (مشغل السيديهات بتاع زمان) و كان ؟أول ما عمله كن بيشتغل على ورق قصدير و صوته ما كانش حلو أوى , لكن بعد كده مخترعيين تانيين أسمهم (ألكسندر جراهم بيل,تشستر بيل و تشارلز تاينتر) قدموا نسخة محسنة منه,وده اللى خلى أديسون يشتغل جامد علشان يعمل احسن فونوجراف. ومن أنجازات أديسون المهمة أنه عمل اول معمل أبحاث صناعى فى ميلانو بارك بنيو جيرسى , وعمله من الفلوس اللى جتله من مبيعات الفونوجراف,والمعمل ده كان هدفه انو يعمل تحديثات على الاجهزة الموجودة و يعمل اختراعات جديدة.


[تعديل] اللمبة الكهربا

من اعظم أختراعات أديسون و بتعتمد على مرور تيار فى سلك من مادة معينة (حاليا التنجستين) ومن المقاوة بتاعة السلك لمرور الكهربا فيه بينشأ ضوء و حرارة. وبالمناسبة أول لمبة أديسون عملها اشتغلت 40 ساعة بس.

مشكوووووووووووورة ع الموضوع الحلوووووووووو
كتيييييير مفيد ................... شكرا

مشكووووووووووووورة ياعسل

مشكوره يا عسوله على جهودك الرائعه

شكرا موضوع كتير حلو

شكرا موضوع كتير حلو