حمار و غبى .....لأ و مغفل كمــآآآآن

حمـــــــار و غبي

لأ ومغفل ومبتفهمش خاااااااااااالص ... وساعات بنقول اكتر من كده

لأ وكلام أقوي من كده ... طب مش كفايه بقي

نفوق شويه وناخد بالنا إن ربنا هيحسبنـــــــا على كل ذلة لسان

وأي نوع من أنواع السباب والشتائم !! يمكن أنا أخترت لكم أبسط الكلامات
بس في ناس مبتقولش كده وبتعمل شير لمواضيع ويبقي التعليق بتاعهم
شوفوا إبن كذا ......... بيقول إيه .. ويرد عليه إللى شاف التعليق بشتيمه تانية وهكذا

طيب حد عارف الحديث ده ؟؟؟

عن
عبد الله بن عمرو رضي الله عنهما قال قال رسول الله صلى الله عليه وسلم إن
من أكبر الكبائر أن يلعن الرجل والديه قيل يا رسول الله وكيف يلعن الرجل
والديه قال يسب الرجل أبا الرجل فيسب أباه ويسب أمه - صحيح البخاري

ياعني السب من الكبائر يامسلمين ويامسلمات
حتى لو قلتلي أنا بشتم بس لما بكون متعصب
أو مضايق طيب وده مبرر ؟؟

أين الحلم أين الاقتداء بصفات وخلق الرسول عليه أفضل الصلاة والسلام

طيب تعالوا نجرب بدل ما نشتم الآخر ندعو له بالصلاح والهدايه
وبما ان لكل إنسان نصيب من دعوته فلما لا يكون نصيبنا امراً هادفاً

ليه لأ تعالوا نجرب كده :) ... نجرب العفه أيوه العفه في اللسان

يمكن يكون الموضوع ده صعب علينا .. بس لما ناخد النية ونقرر نبقي إيجابيييييين حتى في أبسط الاشياء

إللى يمكن غيرنا مش واخد باله منها
وحاسس ان في حاجات تانيه أهم ؟ بالعكس بقي ابدأ بالاصلاح الداخلــــــــــي لنفسك أولاً

جرب من النهارده لما تعمل شير
" Share "

حتى لو الموضوع مستفز متغلطش ومتشتمش :) .. لانك مش بس بتاخد ذنوب ودي كبيره من الكبائر لأ وكمان بتخلي غيرك يشارك في الغلط ده

سمعت
مره الشيخ بيقول في الراديو نجرب الاستغفار والتعوذ بالله من الشيطان
الرجيم في لحظة الغضب بدل الشتيمه .. حتى في الهزار "أي المزاح " ليه بنشوف
شباب كتير بيهزروا مع بعض بالشتائم

:) خلينا إيجابيين وتعالوا نبطل
سلبيه بقي لو ادركنا خطورة حديث الرسول عليه أفضل الصلاة والسلام والله
هنوقف السباب والشتائم من دلوقتي

يلا بينــــــــــا نرجع العفه في لسانا :) ولو قلت كلمة كده ولا كده عصبتكم استغفروا ربنا وإدعولي بالهداية

ربنا يتقبل منا جميعاً ويرضى عنـــــــــا

ومعلش هفكركم بالحديث تاني :)

عن
عبد الله بن عمرو رضي الله عنهما قال قال رسول الله صلى الله عليه وسلم إن
من أكبر الكبائر أن يلعن الرجل والديه قيل يا رسول الله وكيف يلعن الرجل
والديه قال يسب الرجل أبا الرجل فيسب أباه ويسب أمه - صحيح البخاري

أختكم في الله
فتاة مسلمة :)